Resumen
Actividade de lecer nos curros de Oia (rapa das bestas) para tódolos públicos: obradoiros e visitas guiadas.
A nosa colaboradora Patricia Muñoz de Amodo Turismo, organiza as seguintes experiencias vinculadas a un tema moi noso, ancestral… como son as rapas das bestas:
Viaxe aos curros de Oia (A Valga, Torroña e Mougás) con visitas guiadas e obradoiros.
- A Valga (10 de maio),
- Torroña (7 xuño),
- Mougás (14 de xuño).
Cada un dos domingos do curro, polas mañás, aproveitando a chegada dos cabalos, haberá visitas guiadas de pago (e con reserva previa) para explicar a historia e valores culturais desta tradición, así como os valores naturais e culturais dos cabalos da Serra da Groba.
Pola tarde, antes do comezo das actividades principais do curro (ás 17h comeza a rapa, o marcado e desparasitado) haberá obradoiros gratuítos nos que tanto poderán participar persoas adultas como o público infantil. En cada curro haberá actividades específicas que servirán como momento de lecer e tamén para divulgar diversos aspectos patrimoniais relacionados con esta ancestral tradición.
A programación, horarios e resto de información de interese aparece no cartel en arquivo anexo e na seguinte ligazón:
