Francisco de Asís con Emilia Pardo Bazán no convento franciscano de Herbón

No marco de celebración do centenario do pasamento de Emilia Pardo Bazán, o Concello de Padrón súmase ás múltiples homenaxes que se están a realizar nestes meses para honrar a esta figura literaria a través da organización das primeiras Tertulias Clandestinas.

O sábado 26 de xuño a partir das 11:00 horas terán lugar no Convento de Santo Antonio de Herbón, espazo de referencia franciscana, as primeiras Tertulias Clandestinas. Trátase dun evento que se celebra coa intención de achegar a figura de Francisco de Asís a través desta gran muller visionaria que foi Emilia Pardo Bazán.

O equipo do departamento de Turismo do Concello de Padrón, que lidera Lorena Couso, atópase inmerso na organización deste evento. Segundo explicou a concelleira de Turismo, “a vinculación de Emilia Pardo Bazán e San Francisco de Asís é algo descoñecido para moitas persoas, polo que o noso obxectivo coa organización deste evento é achegar esta información á cidadanía”.

No acto vaise poñer en valor a vertente máis espiritual de Emilia Pardo Bazán, autora dunha biografía sobre este gran home Santo, como ela chamaba. Preséntase nesta xornada o seu personaxe máis natural e espontáneo… A autora escribiu o libro grazas á acollida da Comunidade Franciscana do Convento de Santiago, quenes lles facilitaban a documentación e revisaban os seus escritos.

Os asistentes poderán vivir unha experiencia máxica case mística acompañados por unha actriz caraterizada de Emilia Pardo Bazán e polo espírito de San Francisco de Asís presente en cada recuncho deste lugar franciscano do Convento de Herbón.

Francisco Castro Miramontes, sacerdote franciscano, autor de numerosos títulos e escritor premiado polos seus relatos curtos, será o responsable da acollida franciscana na Igrexa de Herbón. É un gran amante da natureza, un apaixoado do Camiño de Santiago que difunde unha espiritualide 2.0 comunicando a través das canles sociais creando meditacións, reflexións, contido audiovisual… Un gran home, como o chamaría Emilia Pardo Bazán de ter vivido nesta época.

Na segunda parte do evento celebrarase a Tertulia Clandestina entre a actriz Ramona Fernández Figueira caracterizada de Emilia Pardo Bazán e José Manuel García, que abordarán o legado que deixaron estes dous protagonistas.

A xornada remata coa bendición franciscana a cargo de F. Francisco Honrubia, responsable do Convento que autorizou a celebración deste evento e puxo a disposición do Concello os medios necesarios para a súa execución. Por outra banda, de xeito paralelo estase xa a preparar a conmemoración desta primeira tertulia, polo que proximamente informarase sobre todos os detalles.

Por motivos de organización, as prazas para participar nesta actividade son limitadas e é preciso inscribirse previamente a través da Oficina de Turismo do Concello de Padrón. As inscricións tamén se poden tramitar a través do correo electrónico turismo@padron.gal  ou chamando ao número de teléfono 646 593 319.


13 xeitos de saborear Padrón coa nova edición de #SaboreaPadrón

Este ano como novidade… tapa infantil… que sen dúbida comeremos nesta casa

Por onde comezamos? 

Cando? Fin de semana do 23 ao 25 de outubro e a fin de semana do 30 de outubro ao 1 de novembro.

Onde? Establecementos participantes: ‘O Piorno’, ‘Panadería San José’, ‘O secreto’, ‘O secreto do viño’, ‘Chef Rivera’, ‘Ruta Xacobea’, ‘Café Cultural Airiños’, ‘Restaurante O Santiaguiño’, ‘Retro Visor’, ‘Cafetería Bámbola’, ‘Alpendre’ e ‘Café Século XX’. E as propostas gastronómicas destes establecementos son ‘O segredo do cocho’, secreto ibérico a baixa temperatura con pemento asado e redución do seu xugo con salsa de soia; ‘Miudiños de outono, doce de biscoito elaborado con castañas, noces e cacao; ‘Osiños do Samaín’, rosquillas en forma de oso; ‘Algo máis que calamares’, montadiño de calamares; lacón con grelos e queixo, mini burguer de lacón con grelos e queixo; ‘Cocido ben peregrino’, roupa vella sobre puré de fabas, grelos salteados, tella de pataca e aceite de chourizo; ‘Peregrinator’, lasaña de outono; ruliño de castaña, filloa rechea de espinacas, lacón e queixo de Arzúa con compota de mazá; ‘Traslatio Toast’, tosta con cebola caramelizada, rulo de cabra, tomate, marmelada e abanico Ibérico; ‘Sabores do Camiño’, bacallau frito na cuncha da vieira con pataca, crocante e cebola caramelizada, pemento en po e aroma de perexil; ‘Vieiriña’, follado recheo de crema con vieira, ourizos e algas; ‘Obradoiro’, carrillera de porco criado con castañas no seu xugo con patacas estofadas; e ‘Atípico’, solombo de porco con salsa de froitos vermellos.

Canto? 2 euros

Que hai? Concurso: Todas as persoas que participen co seu voto na elección da mellor tapa, entrarán nun sorteo de varios vales para consumir ou ben no establecemento gañador ou nalgún dos outros locais. Para poder participar, os usuarios terán que conseguir, en primeiro lugar, un ‘pasaporte’, é dicir, o documento no que terán que selar a degustación de polo menos tres tapas que pode recollerse na oficina de Turismo ou en calquera dos establecementos participantes.

Actividades:

  • I Concurso de deseño de cabazas, cabaciñas ou cabazóns
    Mercadillo: Artesanía, Antigüidades e Coleccionismo

Información ampliada na web: www.saboreapadron.padron.gal


Padrón volve… Volve a Padrón porque SOMOS…

Volve a Padrón

 

O Concello de Padrón segue con accións do seu Plan de Reactivación económico. É o momento de publicar unha enquisa online para coñecer a opinión de todos e todas os residentes de Padrón respecto á folla de ruta que deben seguir para a dinamización económica da vila e do sector turístico

 

Lorena Couso destacou “a importancia de coñecer as impresións e propostas de toda a veciñanza para articular este Plan, que dende o primeiro momento concibimos como un proxecto vivo”. Do mesmo xeito, nas vindeiras semanas convocase aos representantes de distintas asociacións, aos líderes de opinión e expertos dos eidos comercial e turístico para seguir facendo unha ronda de consultas para a configuración do Plan de Reactivación Económica.

O obxectivo do Concello de Padrón é establecer liñas de axuda para paliar os efectos da crise da Covid-19 e que os empresarios da vila poidan seguir adiante tras os meses de confinamento. Ata o de agora, o Alcalde e a Concelleira de Turismo mantiveron reunións cos comerciantes, hostaleiros, empresarios e praceiros de Padrón para recoller todas as súas demandas e ideas de cara a implantar un Plan de axuda e de melloras. Tras estes encontros, dende o executivo local xa puxeron en marcha unha serie de iniciativas de carácter urxente co fin de atraer novos consumidores á vila entre as que destacan a creación dun Marketplace como ferramenta de promoción. Trátase dun espazo no que as distintas empresas e provedores poderán mostrar os seus produtos e servizos.

Todas estas iniciativas súmanse á campaña #PadrónVolve, a través da cal o Concello entregou biombos protectores para todos os establecementos comerciais, rotulou os escaparates levando a cultura á rúa, e fomentou a promoción en redes sociais das empresas locais.

Plan de comunicación e creación de experiencias

O Plan de promoción articulado polo equipo de Turismo do Concello de Padrón tamén inclúe a creación dunha serie de vídeos nos que se promoverán os diferentes atractivos do municipio a través dos padroneses, que porán cara a esta campaña. A mensaxe principal sobre a que pivotarán estes vídeos é “#VolveAPadrón porque SOMOS… Gastronomía, Comercio, Camiño, Vida…”. Todas as persoas que queiran participar nesta acción de promoción de Padrón, poden poñerse en contacto co Concello a través do email turismo@padron.gal.

Proximamente tamén se enviarán invitacións para que empresas e provedores relacionados co turismo xeren experiencias turísticas para promocionar Padrón coa axuda do departamento de Turismo, que dará difusión á páxina web.

A enquisa para a cidadanía pode consultarse nesta ligazón:

https://forms.gle/7Gh68XxQFtWemWry8